Biografi Wayang Antareja Bahasa Krama
Jumat, 31 Mei 2013
Tambah Komentar
Udah lama vakum nge_blog jadi kangen nih,, mudah-mudahan tidak bosan ya sobat mengunjungi blog Saya ini.
Ok langsung saja, Pada kesempatan kali ini Saya akan membahas artikel "Wayang", bagi yang sedang mencari tugas Bahasa jawa disini tempatnya. Kebetulan juga artikel ini adalah tugas dari Sekolah yang disuruh mencari biografi Wayang Kulit.
Tujuan Saya hanya ingin share aja, semoga bermanfaat.
Antareja iku putra pembarepé Raden Werkudara Bima patutan saking Dewi Nagagin putriné Sang Hyang Anantaboga, déwaning taksaka (ula) kang mapan ing Kahyangan Saptapratala.
Umumé crita-crita pedhalangan ngandhakaké yèn putrané Raden
Werkudara niku wonten tiga, yaiku Antareja, Gathutkaca, lan Antasena. Raden Antareja kasatriyané (papan
dunungé) ana ing Jangkarbumi. Garwané asma Dewi Ganggi, atmajané Prabu Gangga
Pranawa, ratu taksaka ing Tawingnarmada. Miturut padhalangan gagrag Surakarta,
putrane Antareja iku arané Danurwendha, nanging yen miturut padhalangan
Yogyakarta arané Raden Puspadentha. Ing pagelaran wayang kulit, kerep muncul
bebarengan karo Raden Irawan (putra Arjuna).
Kasektèn
Raden Antareja kondhang digdaya, bisa ambles bhumi, ngambah njero
lemah mula yèn perang menangan. Mauné ana ngarepé mungsuh, merga ambles bumi
saged mak bedunuk metu ing samburiné mungsuh, terus ngantem utawa nyembur
saking mburi. Kasektèn liyané, ing rananggana kalis ing pati. Matiya sedina
ping pitu, yèn isih kambon lemah, bali urip manéh. Gandheng eyangé iku déwaning
ula, mula Antareja uga ndarbéni upas (basa indonesia: bisa) cacah telu, yakui upas
Anta, upas Warayang lan upas Pengantèn. Kasiyaté upas bisa kanggo nambani wong
lara, kanggo matèni mungsuh lan nguripaké wong mati sing durung tekan mangsané.
Kasekten liyané, Antareja ora tedhas ing saliré gegaman merga ing sajroning
kulit sajabaning dagingé ngangge sangsangan Nagakawaca, saka tilas plungsungané
Sang Hyang Antaboga. Mula yèn Antareja nuju nesu, sarirané katon ana sisiké
emas. Ing wayang gagrag Jawa Timuran, yèn nesu malah rainé malih dadi ula, lan
awaké metu sisiké.
Kaya Gathutkaca, nalika isih bayi, Antareja uga wis tau dadi
jagoné para déwa, mungsuh ratu ula Prabu Nagabagindha lan patihé aran Rupatala
saka negara jangkarbumi. Iku gara-gara ratu ula kuwi kepingin mengku widadari
Bathari Superti sing sampun kagarwa Hyang Antaboga lan peputra kaliyan Dewi
Nagagini lan Bambang Nagatatmala. Kekarepané Prabu Nagabagindha mua mesthi waé
ditolak marang para déwa, saéngga nuwuhaké peperangan ing Repatkepanasan. Para
dewa padha kasoran, banjur mintasraya marang Sang Hyang Antaboga. Prabu
Nagabagindha nuli campuh bandadyuda lumawan Hyang Antaboga. Anggoné perang
nganthi suwé banget, ora ana sing kalah-ora ana sing menang. Saka pamrayogané
Bathara Naradha, déwa ngajokaké jago anyar, yakui bayi putrané Dewi Nagagini
sing nembé dilairaké.
Sadurungé diajokaké ana paprangan, bayi dilumuri iduné
Hyang Anantaboga supaya ora tedhas gegaman. Tekan paprangan, bayi Antareja kuwi
banjur dicandhak, dibanting, diidak-idak lan dicokot déning ratu ula mau,
nanging tetep teguh timbul, dalasan tambah gedhé-tambah gedhé. Nagabagindha lan
patih Rupatala akhiré malah tiwas ing tangané satriya putrané Werkudara iku.
Sukmané Prabu Nagabagindha lan Rupatala manjalma ana anggané Antareja,
ndadekaké saya sektiné satriya iki. Déning Bathara Guru banjur kaparingan asma
Anantaraja iya Anantareja utawa Antareja. Lan negara Jangkarbumi banjur
kaparingaké marang Raden Antareja minangka kasatriyané, uga kalilan asmané
nunggak semi marang Prabu Nagabagindha lan Rupatala. Mula Antareja uga banjur
kerep karan Radèn Nagabagindha utawa Raden Rupatala.
Patiné Antareja
Antareja pancèn kondhang satriya sing sekti, jalaran mung kanthi
ndilat tilas tepaké sikil waé, mungsuhé bisa mati. Kasektèn iki kang gawé Prabu
Kresna mikir supaya Antareja ora susah mèlu Bharatayudda jalaran yèn nganti
mèlu perang ora wurung para Kurawa bisa mati mung
mungsuh Antareja. Mula sadurungé perang gedhé kuwi diwiwiti, Antareja kudu
disingkiraké luwih dhisik kanthi dikon ndilat tilas tapakané dhéwé. Ya mesthi
waé Antareja uga banjur mati. Kuwi pungkasané Antareja urip ing jagad
marcapada.
Ing pedhalangan gagrag Surakarta, Antareja uga
sinebut Antasena. Ing gagrag Jogjakarta, Antareja béda karo Antasena.
Mungkin itu dulu yang dapat Saya tulis pada kesempatan kali ini, Mohon maaf apabila ada kekurangan.
Belum ada Komentar untuk "Biografi Wayang Antareja Bahasa Krama"
Posting Komentar
Ketentuan Berkomentar :
1. Berkomentarlah Dengan Baik Dan Sopan
2. Tidak Punya Akun Beri Komentar Sebagai : Anonymous
3. Dilarang Menyematkan Link Pada Komentar
Don't Flood & Spam